ਅਮਰੀਕਾ ਦੀ ਦਿੱਗਜ ਟੈੱਕ ਕੰਪਨੀ Apple ਦੇ ਆਉਣ ਵਾਲੇ ਆਈਫੋਨ ਨੂੰ ਲੈ ਕੇ ਨਵੀਂ ਜਾਣਕਾਰੀ ਸਾਹਮਣੇ ਆਈ ਹੈ। ਜਾਣਕਾਰੀ ਮੁਤਾਬਕ ਐਪਲ ਦਾ ਆਉਣ ਵਾਲਾ ਹੈਂਡਸੈੱਟ ਮਲਟੀਪਲ ਸਿਮ ਕਾਰਡਸ ਨੂੰ ਸਪੋਰਟ ਕਰੇਗਾ। ਇਸ ਤੋਂ ਇਲਾਵਾ ਲੇਟੈਸਟ ਆਈ.ਓ.ਐੱਸ. ਅਪਡੇਰਟ ਵੀ ਮਿਲੇਗੀ। ਦੱਸ ਦੇਈਏ ਕਿ ਐਪਲ ਦਾ ਆਉਣ ਵਾਲਾ ਆਈਫੋਨ ਪਿਛਲੇ ਕਾਫੀ ਦਿਨਾਂ ਤੋਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇਸ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਰਿਪੋਰਟਾਂ ਸਾਹਮਣੇ ਆ ਚੁੱਕੀਆਂ ਹਨ।
ਇਕ ਲੀਕ ਕੋਡ ਮੁਤਾਬਕ, ਆਉਣ ਵਾਲੇ ਆਈਫੋਨ ‘ਚ ਦੋ ਡਿਊਲ ਸਿਮ ਦਾ ਆਪਸ਼ਨ ਹੋਵੇਗਾ। ਹਾਲਾਂਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਆਈਫੋਨ ‘ਚ ਡਿਊਸ ਸਿਮ ਦੀਆਂ ਖਬਰਾਂ ਆ ਰਹੀਆਂ ਹਨ। ਇਸ ਤੋਂ ਪਹਿਲਾਂ ਵੀ ਜਦੋਂ-ਜਦੋਂ ਐਪਲ ਨੇ ਆਈਫੋਨ ਲਾਂਚ ਕੀਤਾ ਹੈ ਉਦੋਂ ਹੀ ਅਜਿਹੀਆਂ ਖਬਰਾਂ ਆਉਂਦੀਆਂ ਰਹੀਆਂ ਹਨ ਪਰ ਕਦੇ ਵੀ ਆਈਫੋਨ ‘ਚ ਡਿਊਲ ਸਿਮ ਦਾ ਆਪਸ਼ਨ ਨਹੀਂ ਆਇਆ। ਹੁਣ ਕਿਹਾ ਜਾ ਰਿਹਾ ਹੈ ਕਿ ਆਉਣ ਵਾਲੇ ਆਈਫੋਨ 9 ‘ਚ ਡਿਊਲ ਸਿਮ ਦਾ ਆਪਸ਼ਨ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ 9ਟੂ5ਮੈਕ ਬਲਾਗ ‘ਚ ਇਸ਼ਾਰਾ ਕੀਤਾ ਗਿਆ ਹੈ ਕਿ ਇਸ ਵਿਚ ਲੇਟੈਸਟ ਆਈ.ਓ.ਐੱਸ. ਬੀਟਾ ਅਪਡੇਟ ਦਿੱਤੀ ਜਾਵੇਗੀ।
ਹਾਲਾਂਕਿ ਐਪਲ ਨੇ ਅਜੇ ਇਸ ਨੂੰ ਲੈ ਕੇ ਕੋਈ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਅਤੇ ਨਾ ਹੀ ਆਉਣ ਵਾਲੇ ਆਈਫੋਨ ਦੀ ਲਾਂਚ ਤਰੀਕ ਨੂੰ ਲੈ ਕੇ ਜਾਣਕਾਰੀ ਦਿੱਤੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਐਪਲ ਦਾ ਨਵਾਂ ਆਈਫੋਨ ਸਤੰਬਰ 2018 ‘ਚ ਪੇਸ਼ ਹੋ ਸਕਦਾ ਹੈ। ਇਹ ਵੀ ਅਫਵਾਹ ਹੈ ਕਿ ਐਪਲ ਇਸ ਸਾਲ 3 ਆਈਫੋਨ ਪੇਸ਼ ਕਰ ਸਕਦੀ ਹੈ।