ਮੋਗਾ ਨੇੜੇ ਸਤਲੁਜ ਦਰਿਆ ਦੇ ਨਾਲ ਲੱਗਦੇ ਰੇਤ ਦੇ ਖੱਡਿਆਂ ਉਤੇ ਸੁਖਪਾਲ ਸਿੰਘ ਖਹਿਰਾ ਨੇ ਅਚਾਨਕ ਰੇਡ ਕੀਤੀ। ਖਹਿਰਾ ਮੁਤਾਬਕ ਇਥੇ ਗ਼ੈਰਕਾਨੂੰਨੀ ਮਾਈਨਿੰਗ ਹੋ ਰਹੀ ਹੈ। ਬਿਨਾਂ ਪਰਚੀ ਤੋਂ ਰੇਤ ਦੀਆਂ ਭਰੀਆਂ ਟਰਾਲੀਆਂ ਜਾ ਰਹੀ ਹਨ। ਜਦੋਂ ਖਹਿਰਾ ਇਥੇ ਪੁੱਜੇ ਤਾਂ ਮਾਈਨਿੰਗ ਕਰ ਰਹੇ ਲੋਕ ਸਭ ਕੁਝ ਵਿਚੇ ਛੱਡ ਕੇ ਭੱਜ ਗਏ।

ਖਹਿਰਾ ਨੇ ਦੱਸਿਆ ਕਿ ਕੋਈ ਬਿੱਟੂ ਨਾਮ ਦਾ ਵਿਅਕਤੀ ਹੈ ਜੋ ਇਹ ਮਾਈਨਿੰਗ ਚਲਾ ਰਿਹਾ ਹੈ। ਇਹ ਮਾਈਨਿੰਗ ਗ਼ੈਰਕਾਨੂੰਨੀ ਢੰਗ ਨਾਲ ਕੀਤੀ ਜਾ ਰਹੀ ਹੈ। ਜਦੋਂ ਖਹਿਰਾ ਇਥੇ ਪੁੱਜੇ ਤਾਂ ਕਾਫੀ ਬਾਰਸ਼ ਹੋ ਰਹੀ ਸੀ। ਇਸ ਦੇ ਬਾਵਜੂਦ ਖਹਿਰਾ ਇਥੇ ਡਟੇ ਰਹੇ ਤੇ ਇਥੇ ਮੌਜੂਦ ਲੋਕਾਂ ਨੂੰ ਭੱਜਣ ਲਈ ਮਜਬੂਰ ਕਰ ਦਿੱਤਾ।