ਡਾਟਾ ਲੀਕ ਮਾਮਲੇ ‘ਚ ਘਿਰੀ ਸੋਸ਼ਲ ਮੀਡੀਆ ਕੰਪਨੀ ਫੇਸਬੁੱਕ ਨੇ ਆਪਣੇ ਕਰਮਚਾਰੀਆਂ ਵਿਚ ਵੱਡੇ ਫੇਰਬਦਲ ਦੀ ਪੁਸ਼ਟੀ ਕੀਤੀ ਹੈ। ਕੰਪਨੀ ਦੇ ਸਹਿ-ਸੰਸਥਾਪਕ ਮਾਰਕ ਜੁਕਰਬਰਗ ਫੇਸਬੁੱਕ ਦੇ ਮੁਖੀ ਬਣੇ ਰਹਿਣਗੇ। ਇਸ ਦੇ ਨਾਲ ਹੀ ਨੰਬਰ ਦੋ ਦੀ ਭੂਮਿਕਾ ਵਿਚ ਮੁਖ ਕਾਰਜਕਾਰੀ ਅਧਿਕਾਰੀ(COO) ਸ਼ੇਰਿਲ ਸੈਡਬਰਗ ਹੋਣਗੇ। ਲੰਮੇ ਸਮੇਂ ਤੋਂ ਜੁਕਰਬਰਗ ਦੀ ਟੀਮ ਦਾ ਹਿੱਸਾ ਰਹੇ ਕ੍ਰਿਸ ਕਾਕਸ ਨੂੰ ਫੇਸਬੁੱਕ ਦੇ ਕੋਰ ਐਪਲੀਕੇਸ਼ਨਸ ਨੇ ਨਾਲ-ਨਾਲ ਸਮਾਰਟ ਫੋਨ ਸੇਵਾਵਾਂ ਇੰਸਟਾਗ੍ਰਾਮ, ਵਾਟਸ ਐਪ ਅਤੇ ਮੈਸੇਂਜਰ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਕੰਪਨੀ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਫੇਸਬੁੱਕ ਦੇ ਪ੍ਰਮੁੱਖ ਅਧਿਕਾਰੀਆਂ ਦੇ ਕੰਮਾਂ ਵਿਚ ਬਦਲਾਓ ਕਰਨ ਦੀ ਜਾਣਕਾਰੀ ਸਭ ਤੋਂ ਪਹਿਲਾਂ ਸਮਾਚਾਰ ਵੈਬਸਾਈਟ ਰੀਕੋਡ ਨੂੰ ਦਿੱਤੀ ਗਈ।
ਫੇਸਬੁੱਕ ਨੇ ਆਪਣੇ ਉਤਪਾਦਨ ਅਤੇ ਇੰਜੀਨੀਅਰਿੰਗ ਟੀਮ ਨੂੰ ਤਿੰਨ ਯੂਨਿਟਾਂ ਵਿਚ ਵੰਡਿਆ ਹੈ। ਇਸ ਵਿਚ ਉੱਭਰਦੀ ਹੋਏ ਤਕਨਾਲੋਜੀ ਨਾਲ ਸਬੰਧਿਤ ਵਿਭਾਗ ਵੀ ਸ਼ਾਮਲ ਹੈ ਜੋ ਕਿ ਕ੍ਰਿਪਟੋ ਕਰੰਸੀ ਲਈ ਇਸਤੇਮਾਲ ਹੋਣ ਵਾਲੀ ਬਲਾਕ ਚੇਨ ਟੈਕਨਾਲੋਜੀ ਵੱਲ ਧਿਆਨ ਦੇਵੇਗੀ। ਚਾਰ ਸਾਲ ਤੱਕ ਫੇਸਬੁੱਕ ਮੈਸੇਂਜਰ ਦੀ ਜ਼ਿੰਮੇਵਾਰੀ ਨਿਭਾਉਣ ਵਾਲੇ ਡੇਵਿਡ ਮਾਰਕਸ ਨੇ ਆਪਣੀ ਪੋਸਟ ਵਿਚ ਕਿਹਾ ਹੈ ਕਿ ਉਹ ਫੇਸਬੁੱਕ ਵਿਚ ਬਲਾਕਚੇਨ ਤਕਨਾਲੋਜੀ ਦਾ ਲਾਭ ਲੈਣ ਦੇ ਤਰੀਕੇ ਲੱਭਣ ਲਈ ਇਕ ਛੋਟਾ ਸਮੂਹ ਬਣਾ ਰਹੇ ਹਨ। ਅਮਰੀਕੀ ਮੀਡਆ ਵਿਚ ਆਈਆਂ ਖਬਰਾਂ ਮੁਤਾਬਕ ਇਕ ਦਰਜਨ ਤੋਂ ਵਧ ਅਧਿਕਾਰੀਆਂ ਦੇ ਕੰਮਾਂ ਵਿਚ ਬਦਲਾਓ ਕੀਤਾ ਗਿਆ ਹੈ।
